ع البــحـــر

طول عمرى باخاف من الحب ...
وسيرة الحب...
وظلم الحب لكل أصحابه

واعرف حكايات مليانه آهات
ودموع وأنين ...

في فوضى الأفكار التى تئن برأسها
تسير بعرض الغرفه وطولها
جيئة وذهابآ...تحاول أن تفرغ ماتراكم براسها
أمسكت دفتر يومياتها
وبدات تخط يومآ جديدآ في حياتها

************
يلا يامنى هنتأخر علي القطر
­_ حاضر يابابا قربت أخلص أهو
كانت الأسكندريه تضم في صيفها كل صنوف البشر علي شواطئها وفي شوارعها
غير عابئة بتلك الضوضاء التى يحدثونها

**************
والعاشقين دابوا ما تابوا

مش مهم يكون يكون سفير
انا قنوعه جدآ...ممكن دكتور...أو مهندس ...أو محامى مشهور.أو ممكن رجل أعمال
مش طمع خالص !!
بس أنا بحب أوزن الأمور بجد
وعارفه كويس أن الدنيا مش بتمشي غير بالفلوس والمركز الكويس
**************
_ المصاريف مش هتكفينا لأخر الاسبوع يا أم منى
_ يخليك لينا ياحاج عايشين من خيرك
_ بس كده الميزانيه هتخرم قوى !
_ خللي العيال تنبسط ياخويا

***************
طول عمرى باقول لا أنا قد الشوق...
وليالى الشوق
ولا قلبى قد عذابه

علي شاطئ البحر يبادلها النظرات
يبعث رسائل عبر بريد عيناه
تصل إلي عيناها وتوقع بالاستلام بأبتسامه رقيقه
**************
وقابلتك انت لقيتك بتغير كل حياتى

ما أعرفش ازاى حبيتك ما أعرفش إزاى ياحياتى

من همسة حب لقيتنى باحب ... وادوب فى الحب وصبح ...وليل على بابه

أعتقد مش كل البنات ممكن تبقي سعيده بالمركز والفلوس وبس
ممكن أقبل بواحد مهندس أو دكتور  بس يكون مدكن خميره كويسه
***********
البنت بدأت تكبر يا أم منى والناس بدأت تبصلها في الروحه والجايه
_ياخويا بكره ربك يفرجها ويجيلها سيد الناس كلها
_ نفسي استرها قبل ما أموت
_ حسك بالدنيا ياأبو منى
***********

فات من عمرى سنين وسنين ... شفت كتير و قليل عاشقين

اللى بيشكى حاله لحاله .... واللى بيبكى على مواله

أهل الحب صحيح مساكين

أحنا مع بعض يامحمد بقالنا سنه ومافيش أى تقدم
أنت مش ناوى تخطبنى بقي
_ ياحبيبتى هانت كلها كام شهر بس!!
_ كل مره تقولي نفس الجمله أنا بدأت اشك ..

***********

ياما الحب نده على قلبى ....ما ردش قلبى جواب

ياما الشوق حاول يحايلنى
واقول له روح يا عذاب

ممكن أكون زمان كنت ساذجه لما فكرت أن السعاده بالمركز والفلوس
بس دلوقتى انا أعتقد أنى بفكر برجاحه عقل أكتر من الاول
ماله المدرس يعنى وحش؟؟
ده حتى الشاعر بيقول أوقف للمعلم وأديله التبجيلا كده ولا كده المعلم رسولا
****************
_ بنتك بقت تحوش من مصروفها للمصيف ياأم منى هو ايه الحكايه
_ هههههههههه ياخويا بخاطرها ماهى برضو حاسه بيك وبحملك
_ ربنا يجعلها من الابرار ويسترها دنيا واخره
_ أمين يارب العالمين
******************

ياللى ظلمتوا الحب وقلتوا وعدتوا عليه قلتوا عليه مش عارف إيه

العيب فيكم يا فى حبايبكم أما الحب ياروحى عليه

محمد انت لازم تتقدملي
_ ياحبيبتى ماانتى عارفه ظروفى
_ أنا خلاص موافقه أعيش مع أهلك
_ أنا لايمكن أقبل غير أعيشك في شقه لوحدك ياحبيبتى
_يبقي تكتب عليا
_ ؟؟؟
************
ياللى مليت بالحب حياتى ... أهدى حياتى إليك

روحى..قلبى..عقلى..حبى ... كلّى ملك ايديك

الحب !!
أيوه الحب هو أهم حاجه
وطالما بيحبنى يبقي هستحمل كل حاجه عشانه
حتى لو كانت الحاجه دى هى أهله
*****************
_ ياخويا البنت تخنت كده ليه
_ ماتقريش علي البنت يا أم منى قوللي ماشاء الله
_ ماشاء الله بس برضو البنت تخنت
_ ماهو كله بسببك..أنتى طول الوقت مبتعمليش غير المسبك والحلويات كويس ان البنت تخنت وبس مفرقعتش
_ هههههههههههه علي قولك
*****************
الله ياحبيبى على حبك وهنايا معاك ... الله يا حبيبى يا حبيبى الله الله

ولا دمعة عين جرحت قلبى .. ولا قولة آه

سعات الاحساس بيخون
وسعات الحب بيكون محطه
لكن مش بناخد بالنا الا بعد مانعديها
ونلاقي نفسنا بقينا لوحدنا
حتى الحب اللي كان معانا من اول الطريق!!
باعنا ...

***************
الله ياحبيبى على حبك وهنايا معاك ... الله يا حبيبى يا حبيبى الله الله

ولا دمعة عين جرحت قلبى .. ولا قولة آه

ياحبيبي أنا مش طالبه غير أنك تتقدملي وبس
_ يعنى أجيب شقه وشبكه وعفش ومهر منين يامنى؟؟
_ محمد أنا دلوقتى حامل
_ خلاص ياحبيبتى أنا هاجى أتقدملك
بس أعملي حسابك أننا هندخل فبيت أهلي
**************
دى بنتى منى زينة البنات كلها ...وهو أنا خلفت غير منى
_ والله أبنى الدكتور عماد لما شافها الصيف اللي فات مارتاحش ألا لما عرف أنها بنتكم
وجايين النهارده ننول شرف النسب
_ هى منى أتأخرت كده ليه ... أستعجليها عشان تيجى تسلم علي عريسها يا أم العروسه
****************
الهاتف الذى طلبته غير متاح في الوقت الحالي...

لا أستطيع أن أصمد أكثر من ذلك
الهروب هو الحل
لذلك قررت أن أنهى حياتى بيدى ..حتى لايتحمل أبي جريمة أبنه
كان حب المصيف تاج علي رأسها
فأثقلها ودفن راسها بالتراب

يارب سامحنى

أمضاء / منى

قلبي النونو

أنا عندى قلب واحد نونو وبس @@
بحب بيه كل الناس !!
بس ليه الناس بتدخل قلبي وتوجعه :(
يعنى غلطانه عشان بحبهم ؟؟
ولا قلبي طيب بزياده @

سيرة الحــب

ياعزيز عينى قلبي لقلبك مال

شارياك وشارينى ويش يعملوا العُزَال

ظلت سميره تدندنها مع صوت ليلي مراد الآتى عبرآثير أذاعة الاغانى

تفرد ساقيها بدلال وهى تمرر فوقها آلة إزالة الشعر ذات الشفرات المتوحشه

********

يدخل ربيع الحلاق وهو يصرخ بصوته الجهورى

* أنتى يابنت الكلب غورتى فين

تسرع سميره وكأنها سمعت صوت الموت يناديها

*نعم يابو حسنى تحت أمرك ياخويا

بسرعة البرق ينقض عليها ربيع ويجذبها من شعرها ويطرحها أرضآ ويبدأ وصلة التعذيب والتللذ بضربها (سادى من الدرجه الاولي)

********

يأتى الليل كغريب الدار الذى يشاهد كل شئ وهو أعمى البصيره

تنزل دموعها واحده تلو الاخرى

* يارب ريحنى من العذاب ده أنا تعبت..مش كفايه متجوزنى عرفى حتى مافيش ورقه تربطنى بيه

كان ربيع الحلاق يسمى بزير النساء في المنطقه وحتى وأن كان لايجيد التعامل مع أى أنثي

بأستثناء ممارسة ساديته المفرطه والتى لاتتقبلها أكثر النساء

ولكن عقله الصغير يخيل إليه بعد مصاحبة بعض العاهرات أن تلك هى الطريقه المثلي لإسعاد أى أنثي

بل وأنها هى الطريقه الجيده لآثبات رجولته

***********

ترفع الملقط ناحية حاجبيها بيمناها وباليد اليسري تستقر مرآه صغيره

تحد بصرها وهى تغتال أصغر الشعيرات المتناثره

* علمونى عنيك أسافر

علمونى أفضل مهاجر

علمونى أكون مسامح

زى نبع الحب صافي

ياكايدهم يامنير ياكيييينج

**********

ترشف سعاد جارة سميره من كوب الشاى الذى أمامها بصوت عالي

* يختى كل الرجاله كده ولاد كلب..بس الست الواعيه هى اللي تعرف تتصرف

تعدل سميره من جلستها وكأنها تتحدث إلي خبير الحياة

*يعنى أيه ياسعاد..فطمينى يختى أبوس أيدك

تبدأ سعاد في طرح أفكارها الشريره وغزل حبال المكيده التى تستطيع من خلالها سميره العيش في افضل مايكون

******

يأتى صوت ربيع من الخارج وهو يغنى

* انا شارب تلاته إستلا ويجى تمانيه كمان مااعرف ايه

تعدل سميره من هيئتها والتى بدت فيها كأنها عروس ليلة زفافها

* أتأخرت ليه ياأبو حسنى أنا مستنياك من بدرى

ينظر ربيع ويتفحص سميره من كل ناحيه ثم يقترب منها ورائحة البيره تفوح من كل مكان في جسده حتى ملابسه تعتقت بهذه الرائحه

يخرج لسانه ويبدأ في تذوق كل قطعه عاريه من جسدها ثم يرمقها بنظرة ماكره

* أنتى كنتى متزوقه لمين يابنت الكلب أنا ماقولتش أنى جاى  النهارده

ثم يجذبها من شعرها ويوسعها ضربآ ثم يعود ليقبلها ويحك جسده بجسدها وهو مرتمى فوقها

ثم يعود ليضربها مرة أخرى وهى تصرخ مما يزيد من أشتعال شهوته

*******

 تقف عاريه مسلمه جسدها لشلال المياه الذى أنطلق من الدوش

تتلمس جسدها وكأنها تتعرف أليه لأول مره في حياتها

تشاهد بخيالها تلك الحياة التى تنتظرها بالخارج

تضحك وكأنها لم تعهد صوت الضحك

تمسك بماسورة الدوش وتتخيلها أحد الرجال الذين عهدتهم سابقآ

حنون..لبق الكلمات عذب الحديث

تنشق رائحة عطره وتحاول إثارة نفسها لاول مره منذ وقت طويل جدآ

******

*يعنى ايه الكلام ده!! عايزه تفهمينى أنه مجابش معاه نتيجه

* والله ياسعاد زى مابقولك...لاقانى لابسه ومتزوقه فكرنى متزوقه لحد تانى ونزل فيا ضرب

*ماهو ياسميره يختى متآخذنيش يمكن مش قادر ينسي أنه متجوز وأنتى يعنى...

*ويعنى ياسعاد هو لما اتجوزنى مكانش عارف أنا أيه ..وأنا من يوم ماأتجوزته وأنا قبلت بأنى أكون ليه هو وبس من غير ورقة جواز ولا من غير أى حقوق

حتى البيات والخير كله رايح لام حسنى وعيالها

وانا المَزه بتاعته بس

*طب سيبك بقي.أنا عندى فكره أحسن من الاولانيه

*************

يجلس ربيع والحاج محمود صاحب ورشة تصليح السيارات علي ناصية الشارع امام أحد المقاهى

يجذب الحاج محمود مبسم الشيشه ناحيته ويشد نفس منها

* صدقنى يا ابو حسنى والله المحل مايجيب اكتر من كده وأنتى عارفنى لولا العوزه ياصاحبي والله ماكنت هبصله

* بس أنت عارف ياحاج أن المحل بتاعى يساوى أكتر من كده بكتير

*هما 100 ألف مافيش غيرهم وأنا يعنى عايز المحل أشتغل فيه حلاق ده أنا هخليه مخزن للزياده بتاعت الشغل..فردة عجل كده عدة لحام كده وأهو أنت تستفيد وأنا استفيد

*يعنى مش ممكن ترفع السعر عشره كمان يامعلم

*هما مافيش غيرهم 100 وبين البايع والشارى ايه...يفتح الله...مش نقري الفاتحه بقي؟؟

********

تقف أمام مرآتها تتجمل ..تعتنى بتفاصيله جيدآ

تمشط شعرها وتعقده علي هيئة ذيل المهر( بونى تيل)

تحدد تفاصيل عينها بالقلم الاسود

تصبغ رموشها بالماسكارات

تبدو وكأنها تحولت فجأه لآشهر الماكييرات في العالم

تصدح أذاعة الاغانى بجوارها

تخطف أنتباهها لتغنى معها مرة أخرى

ضمنى علي صدرك

وابعد عنى الناس

**********

يدخل حاملآ كيسآ اسودآ من البلاستيك وضع بداخله مبلغ بيع محل الحلاقه الخاص به 100 ألف جنيه

يدخل إلي أحد الغرف خلسه ويرفع بعض الكراتين المتراصه ويضع ورائها الكيس الذى يحوى داخله المال ولا يعلم أن سميره تراقبه

.

.

.

* حامل ياابو حسنى ..أخيرآ هجيب العيل اللي حلمت بيه منك

قالتها سميره وهى منتشيه من السعاده

* نعم ياروح أمك..عيل ايه ده..أنتى نسيتى أنا جايبك منين

أنتى كبيرك ليله أقضيها معاكى لما يجيلي مزاج

لكن عيال والجو ده لا

* يعنى ايه يابو حسنى..ده جزاتى عشان بحبك

* اللي فبطنك ده معرفوش ياروح امك

*يعنى ايه يابو حسنى ..قصدك أيه

*اللي سمعتيه يختى ..والموال ده لو سمعته تانى الشارع اللي جبتك منه مستنيكى

لم يدم الحديث طويلآ حيث شرع ربيع كعادته في ضربها

ثم ما لبث أن أعجبته فكره أن يقوم بتسقيط حملها بنفسه

فكانت فكرة الاغتصاب والضرب هى اسهل الطرق التى يتسطيع من خلالها التخلص من الجنين

***************

تفتح خزانة ملابسها وتحاول أنتقاء أشيك ماقد أشترته من ملابس

ظلت حائره...ترى مالذى يناسبها أكثر

لفت نظرها فستان أحمر

أمسكت به بعنايه تتفحصه وهى تغنى

ثم ألقت به فوق أحد الكراسي إلي جوارها

ونزعت عنها تلك الفوطه التى تلف جسدها

*************

كانت خطة الحمل التى دبرتها سعاد لسميره من أغبي الحيل من وجهة نظر ربيع

وهو الشئ الذى كاد أن يودى بحياة سميره

يغط ربيع في نوم عميق بعد أن دخن الحشيش وشرب زجاجات من البيره

كانت سميره ملقاه في الصاله باديآ عليها أثار تعذيب ..أو هجوم أحد الحيوانات المفترسه

كانت فكرة الحمل مجرد فكره..ماذا أن حدث الأمر جديآ

لم تدع سميره مجالآ للأفكار أن تهزمها أو تسيطر عليها

لملمت حالها وأتجهت نحو أحدى الغرف

*******************

تنظر إلي نفسها في المرآه

تنظر يمينآ ويسارآ لعل هناك مايشوب جمالها فتصلحه قبل ان تخرج

تلبس حذاءآ عالي الكعب..حتى قدماها أشتاقت الكعوب العاليه

تتجه ناحية باب شقتها وتدير المفتاح عاقده عزمها علي أن تفتح بابها المغلق إلي الحياة التى لطالما حلمت بها

*****

يجتمع أهل الحاره جميعآ علي صوت ربيع وهو يصرخ ويولول مثل النساء

وقد تجمهر حوله الناس

* ألحقونى ياناس..بت الكلب سرقتنى وهربت

*سرقت فلوسي وشقا عمرى..راس مالي وقوت عيالي

تقف سعاد في بلكونتها تضرب كفآ بكف وعلي وجهها أبتسامة أعجاب واضحه

* يابنت الكللللللللللب...لا بنت حرام مصفي ..تعجبنى دماغ المره اللي علي حق

نص كلمه

أهلآ بيك..
أيوه بيك أنت ...أو أنتى 
علي حسب جنس زائر المدونه
دى أول تدوينه ليا علي بلوجر
معرفتش أكتب فيها أيه
ومحبيتش برضو أعمل فيها فيلسوفه وأقعد أتفزلك عليكم
عشان كده...نص كلمه
زى اللي بيكتبها أحمد رجــب
نص الكلمه بتاعتى بقي هى..
شرفتونى وأتمنى تقضوا أوقات حلوه في مدونتى
وتستحملوا غبائي التكنولوجي :)